نفخۂ اولی اور نفخۂ ثانیہ کے درمیان کتنا فاصلہ ہوگا؟

 سوال. 9 : نفخۂ اولی اور نفخۂ ثانیہ کے درمیان کتنا فاصلہ ہوگا؟

اس سوال کا صحیح جواب ہے : 

C. چالیس سال

  اس کے متعلق صحیحین میں حضرت ابوہریرہ رضی اللہ عنہ کی  روایت بھی موجود ہے : 

   عَنْ أَبِي هُرَيْرَةَ  ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ  :  " بَيْنَ النَّفْخَتَيْنِ أَرْبَعُونَ - قَالُوا : يَا أَبَا هُرَيْرَةَ، أَرْبَعُونَ يَوْمًا ؟ قَالَ : أَبَيْتُ. قَالَ : أَرْبَعُونَ سَنَةً ؟ قَالَ : أَبَيْتُ. قَالَ : أَرْبَعُونَ شَهْرًا ؟ قَالَ : أَبَيْتُ - وَيَبْلَى كُلُّ شَيْءٍ مِنَ الْإِنْسَانِ إِلَّا عَجْبَ ذَنَبِهِ فِيهِ يُرَكَّبُ الْخَلْقُ ". 

  (بخاری شریف حدیث نمبر : 4814/ 4935 ، مسلم شریف حدیث نمبر : 2955)

ترجمہ : نبی کریم صلی اللہ علیہ وسلم نے فرمایا کہ دونوں صوروں کے پھونکے جانے کا درمیانی عرصہ چالیس ہے۔ ابوہریرہ رضی اللہ عنہ کے شاگردوں نے پوچھا: کیا چالیس دن مراد ہیں؟ انہوں نے کہا کہ مجھے معلوم نہیں پھر انہوں نے پوچھا: چالیس سال؟ اس پر بھی انہوں نے انکار کیا۔ پھر انہوں نے پوچھا: چالیس مہینے؟ اس کے متعلق بھی انہوں نے کہا کہ مجھ کو خبر نہیں اور ہر چیز فنا ہو جائے گی، سوائے ریڑھ کی ہڈی کے کہ اسی سے ساری مخلوق دوبارہ بنائی جائے گی۔

   حضرت ابوہریرہ رضی اللہ عنہ کی اس روایت میں صرف "اربعون" (چالیس)  کا لفظ ہے، اس بات کی کوئی وضاحت نہیں ہے کہ چالیس دن مراد ہیں، یا چالیس مہینے یا پھر چالیس سال 

    لیکن شراح حدیث اس سے چالیس سال ہی مراد لیتے ہیں، نیز  حافظ ابن حجر عسقلانی رحمہ اللہ نے بخاری کی شرح "فتح الباری" میں حضرت ابن عباس رضی اللہ عنھما کی ایک روایت بھی نقل کی ہے جس میں چالیس سال کی وضاحت ہے وہ روایت یہ ہے : 

عن ابن عباس قال: " ما بين النفخة والنفخة أربعون سنة " 

    

   نیز عام صحابہ کی بھی یہی رائے تھی کہ اس سے مراد چالیس سال ہے

چناں چہ علامہ ابن جریر طبری علیہ الرحمہ سورہ زمر آیت نمبر 68 :  "وَنُفِخَ فِي الصُّورِ فَصَعِقَ مَنْ فِي السَّمَاوَاتِ وَمَنْ فِي الأرْضِ" الخ کی تفسیر میں لکھتے ہیں : 

    قال نبي الله:"بين النفختين أربعون" قال أصحابه: فما سألناه عن ذلك، ولا زادنا على ذلك، غير أنهم كانوا يرون من رأيهم أنها أربعون سنة.